ابیات غزل لشاعر ایوب الزرگانی کربلایی

تهدا لکل محبین الغزل

اتـرکـتـنــی لا حــرث لامـای لاحَـب

سبخ صرت السبب لا لطف لاحُب

سهم هجرک یناهی اعتقد لاحب

دلـیـلـی او کـثـر الآهـات بـیّـه

*********************

ترح هجرک علی اچتافه یگل بی

دلیلی او لا تظن حبک یگـل بـی

الگلب انته او خذت گلبی یگلبی

تعال او رجّع اگلیبی علـیــّـــه

*********************

حبیبی ترضا مشلوله حوالای

دونک مـا اریــد احّــد حـوالای

آدم آنه الــک وانــتــه حـوالای

قرینک لا تظن یحصل بدیّــه

********************

اشمهید الگلب دونک مایهدهد

انحدر کسیل صبری مایـهــدهد

نبی اسلیمان نادا مایــهــدهــد

وآنه النادیت شح وصلک علیه

******************

اشتظن قصر الهدمته عمریته

ابجفاک او آنه بل هم عمریته

قصر حُبنه البنیته عــمـریــتــه

کوخ او نگضی العشره سویّه

*******************

ابگذلتک گلبی یدعج ماشریته

وابشرایینک ودادی ماشریتــه

ابحلال او مال حُبک ماشریته

اشتریته ابناظری ابیروحی الشجیه

*********************

درب حُبک یــغـالـی مــن ســریــتــه

نکبنی او گلت هل حُب من سریتـه

اشحصل بیدک عذولی من سریتـه

ابهجرک گام یتشــمــت علـیـّــه

********************

کتبت اسمه اعلی زندی والمحابس

او ردت یرجـعــلــی مـــرّه والمحابس

محالــی الچــنــت اذکــره والمحابس

سلب عگلی او مهجتی او فتک بیه

********************

بقلم الشاعر ایوب الزرگانی کربلایی

نظرات شما عزیزان:

المراسله غزل الزرگانی

ساعت18:19---9 مهر 1391

انا غزل و احب ابیات الغزل.....

جمیل جدا.........

حیاک یا شاعر المبدع اتمنالک الموفقیه فی قریحتک الشعریه یا ایوب الزرگانی......................
پاسخ..انشاءالله ستنشر کثیر من ابیات الغزل لکم..

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: